Urdu Poetry: Jab se uss ne shehar ko chhoda har rasta sunsaan hua By Mohsin Naqvi

Jab se uss ne shehar ko chhoda har rasta sunsaan hua
apna kya hai saare shehar ka ek jaisa nuksaan hua

mere haal pe hairat kaisi dard ke tanha mausam mein
patthar bhi ro padte hain insaan to phir insaan hua

uske zakhm chhupa kar rakhiye khud uss shakhs ki nazaro’n se
uss se kaisa shikwa kiije wo to abhi nadaan hua

yoon bhi kam aamez tha “Mohsin” wo iss shehar ke logo’n mein
lekin mere saamne aakar aur hi kuch anjaam hua.

Poet: Mohsin Naqvi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *