Urdu Poetry: Junoon-e-shauq ab bhi kam nahi’n hai

Junoon-e-shauq ab bhi kam nahi’n hai
magar wo aaj bhi barham nahi’n hai

bahot mushkil hai duniya ka sanvarna
teri zulfo’n ke pech-o-kham nahi’n hai

bahot kuch aur bhi hai jahaan mein
ye duniya mehaz gham hi gham nahi’n hai

meri barbaadiyo’n ke humnasheeno’n
tumhein kya khud mujhe bhi gham nahi’n hai

abhi bazm-e-tarab se kya uthoo’n main
abhi to aankh bhi pur-nam nahi’n hai

‘Majaaz’ ek baadakash to hai yaqeenan
jo hum sunte thhey wo aalam nahi’n hai.

Poet: MAJAAZ LAKHNAVI

Sent By: Ahad-e-Awargi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *