Urdu Poetry: Kabhii kahaa na kisi se tere fasaane ko By Qamar Jalalabadi

Kabhii kahaa na kisi se tere fasaane ko,
Na jaane kaise khabar ho gayi zamaane ko!

Chaman main barq nahin chhorti kisi soorat,
Tarah tarah se banaataa hoon aashiyaane ko.

Sunaa hai Gair ki mehfil main tum na jaaoge,
Kaho to aaj sajaa loon gareeb-khaane ko.

Duaa bahaar ki maangi to itne phool khile,
Kahin jagah na mili mere aashiyaane ko.

Chaman mainn jana to sayyaad dekh kar jana,
Akelaa chhor kar aayaa hoon aashiyaane ko.

Merii lahad pe patangon’ kaa Khoon hotaa hai,
Huzoor shammaa na laayaa karain jalaane ko.

Dabaa ke chal diye sab qabar main duaa na salaam,
Zaraa see dair main kyaa ho gayaa zamaane ko?!

Ab aage is main tumhara bhi naam aayegaa,
Jo hukm ho to yahin chhor doon fasaane ko.

‘Qamar’ zaraa bhi nahin tujh ko Khauf-e rusavaayi?!!
Chale ho chaandni shab main unhain manaane ko..

Poet: Qamar Jalalabadi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *