Urdu Poetry: Kariyaa-e-jaa’n mein koi phool khilaane aaye

Kariyaa-e-jaa’n mein koi phool khilaane aaye
wo mere dil pe naya zakhm lagaane aaye

mere veeraa’n dareecho’n mein bhi khushbu jaage
wo mere ghar ke dar-o-baam sajaane aaye
uss se ek baar to roothu’n main usee ki maanind
aur meri tarah se wo mujhko manaane aaye

isee kooche mein kaee uss ke shanaasa bhi to hain
wo kisi aur se milne ke bahaane aaye

ab na poochhungi main khoye hue khwaabo’n ka pata
wo agar aaye to kuch bhi na bataane aaye

zabt ki shehar-panaaho’n ki mere maalik khair
gham ka sailaab agar mujhko bahaane aaye.

[PARVEEN SHAKIR]

Sent By: Imran from Orkut Community

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *