Urdu Poetry: Khamoshi keh rahi hai kaan mein kya By Jaun Eliya

Khamoshi keh rahi hai kaan mein kya
aa raha hai mere, gumaan mein kya

ab mujhe koi tokta bhi nahi’n
yahi hota hai, khaandaan mein kya

bolte kyon nahin mere haq mein
aabale par gaye, zabaan mein kya

meri har baat be-asar hi rahi
nukhs hai kuch, mere bayaan mein kya

wo mile to ye poochna hai mujhe
abhi hoon main teri, amaan mein kya

shaam hi se dukaan-e-deed hai band
nahin nuksaan tak, dukaan mein kya

yoon jo takta hai aasmaan ko tu
koi rehta hai, aasmaan mein kya

ye mujhe chain kyun nahi’n padta
ek hi shakhs tha, jahaan mein kya.

Poet: Jaun Eliya

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

One comment

  1. bohot he uuuuummmmmddddaaaaaa bohot khoob v nice

Leave a Reply

Your email address will not be published. Required fields are marked *