Urdu Poetry: Khud dil mein reh ke aankh se parda kare koi By Majaz Lakhnavi

Khud dil mein reh ke aankh se parda kare koi
haan lutf jab hai paake bhi dhoondha kare koi

tum ne to huqm-e-tarq-e-tamanna suna diya
kis dil se aah tarq-e-tamanna kare koi

duniya laraz gaee dil-e-hiramaa’n-naseeb ki
iss tarah saaz-e-aish na chheda kare koi

mujh ko ye aarzu wo uthaaein naqaab khud
unko ye intezaar taqaaza kare koi

rangeeni-e-naqaab mein gumm ho gaee nazar
kya be-hijaabiyo’n ka taqaaza kare koi

ya to kisi ko jurrat-e-deedaar hi na ho
ya phir meri nigaah se dekha kare koi

hoti hai iss mein husn ki tauheen ae ‘Majaaz’
itna na ahl-e-ishq ko rusva kare koi.

Poet: Majaz Lakhnavi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *