Urdu Poetry: Khuwaab toot jaate hain

Khu’aab toot jaate hain
bheer main zamaane ki
haath choott jaate hain
bheer main zamaane ki,
dost daar lehjon main silwaten si parti hain
aik zara si ranjish se
shak ki zard tehni per phool badgumaani k
is tarah se khilte hain
zindagi se pyaare bhi ghair ban ke milte hain,
umar bhar ki chahat ko aasra nahi milta
khamoshi ke waqfon main
baat toot jaati hai aur sira nahi milta,
maazrat ke lafon ko roshni nahi milti
lazzat-e-pazeerai phir kabhi nahi milti
phool rang waadon ki manzilen sukarti hain
raah murne lagti hai
faasle ki einton se eeint jurne lagti hai,
khaak urne lagti hai
khuaab toot jaate hain
aik zara si rangish se
saath choott jaate hain
bheer main zamane ki
haath choott jaate hain
khu’aab toot jaate hain.!

Sent By: Junaid Shabir from Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *