Urdu Poetry: Lab pe paabandi nahi’n ehsaas pe pehra to hai By Sahir Ludhiyanvi

Lab pe paabandi nahi’n ehsaas pe pehra to hai
phir bhi ahl-e-dil ko ahvaal-e-bashar kehna to hai

apni gairat bech daalein apna maslaq chhod dein
rahnumaao’n mein bhi kuch logo’n ko ye mansha to hai

hai jinhein sab se zyaada daava-e-hubb-e-watan
aaj unn ki wajah se hubb-e-watan rusva to hai

bujh rahe hain ek-ek kar ke aqeedo’n ke diye
iss andhere ka bhi lekin saamna karna to hai

jhooth kyun bolein farogh-e-maslehat ke naam par
zindagi pyaari sahi lekin hamein marna to hai.

Poet: Sahir Ludhiyanvi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *