Urdu Poetry: Labo’n pe narm tabassum racha ke dhul jaayein

Labo’n pe narm tabassum racha ke dhul jaayein
KHUDA kare mere aansu kisi ke kaam aayein

jo ibtedaa-e-safar mein diye bujhaa baithe
wo badnaseeb kisi ka suraag kya paayein

talaash-e-husn kahaa’n le chali KHUDA jaane
umang thi ki faqat zindagi ko apanaayein

bula rahe hain ufaq par jo zard-ru teele
kaho to hum bhi fasaane ke raaz ho jaayein

na kar KHUDA ke liye baar-baar ziqr-e-bahisht
hum aasmaa’n ka muqarrar fareb kyon khaayein

tamaam maikada sunsaan maigusaar udaas
labo’n ko khol kar kuch sochti hain miinaayein

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *