Urdu Poetry: Main talkhi-e hayaat se ghabra k pee gaya

Main talkhi-e hayaat se ghabra k pee gaya,
Gham ki siyaah raat se ghabra k pee gaya.

Chhalke huye the jaam,pareshaan’ thee zulf-e yaar,
Kuch aise haadsaat se ghabra k pee gaya.

Main aadmi hoon koi farishta nahin huzoor,
Main aaj apni zaat se ghabra k pee gaya.

Duniyaa-e haadsaat hai ik dard-naak geet,
Duniya-e haadsaat se ghabra k pee gaya.

Kaante to khair kaante hain in se gilaa hi kya,
Phoolon ki waardaat se ghabra k pee gaya.

Saagar’ wo keh rahe the k pee leejiye huzoor,
Un ki guzaarshaat se ghabra k pee gaya

Poet: Sagar Siddiqui

Sent By: Junaid Shabir From Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *