E-Entertainment

Mar jaata hoon, jab ye sochta hoon
main tere bagair bhi jee raha hoon

taare se khiraam jaise chin jaae
main tujh se kuch is tarha juda hoon

main tere jamaal-e-chasm-o-lub mein
ab dil ka gudaaz dhoondta hoon

tujh par se nazar hataau’n kaise
ab tak teri khoj mein laga hoon

kuch aise laga jo tu ne dekha
jaise aaina dekhta hoon

dhundlaane lagi hain teri yaadein
main kitna gareeb ho raha hoon

maabood ke raaz jaanta hoon
main bhi masjood reh chuka hoon

aankhon mein kati hai umr lekin
jaise abhi neend se utha hun

duniya!tere husn ki qasam hai
main arsh se arsh par gira hoon

aye subh! meri gawaah rehna
main raat se umr bhar lada hoon…

Poet: Ahmed Nadeem Qasimi