Urdu Poetry: Mareez-e-mohabbat unhee’n ka fasaana By Qamar Jalalwi Sung By Ustaad Ghulam Ali

Mareez-e-mohabbat unhee’n ka fasaana
sunaata raha dam nikalate-nikalate
magar ziqr-e-shaam-e-alam jab bhi aayaa
chiraag-e-sehar bujh gaya jalte-jalte

iraada tha tarq-e-mohabbat ka lekin
fareb-e-tabassum mein phir aa gaye hum
abhi khaake thokar sambhalne na paaye
ki phir khaaee thokar sambhalte-sambhalte

unhein khat mein likha tha dil muztarib hai
jawaab unn ka aayaa mohabbat na karte
tumhein dil lagaane ko kisne kaha tha
behal jaayega dil bahalte-bahalte

wo mehamaan rahe bhi to kab tak hamaare
huee shammaa gul aur doobe sitaare
“Qamar” iss qadar unn ko jaldi thi ghar ki
wo ghar chal diye chaandni dhalte-dhalte.

Poet: Qamar Jalalwi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *