Urdu Poetry: Mera jee hai jab tak teri justuju hai

Mera jee hai jab tak teri justuju hai
zabaan jab talak hai yahi guftagu hai

KHUDA jaane kya hoga anjaam iss ka
main besabar itna hoon wo tund-khu hai

tamanna hai teri agar hai tamanna
teri aarzu ha, agar aarzu hai

kiya sair hamne gulzaar-e-duniya
gul-e-dosti mein ajab rang-o-bu hai

ganimat hai ye deed wa deed-e-yaaraa’n
jahaan mund gayi aankh, main hoon na tu hai

nazar mere dil ki padi “dard” kis par
jidhar dekhta hoon wahi rubaru hai.

Poet: KHAWAJA MEER DARD

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *