Urdu Poetry: Meri hamdam,mere khawbo’n ki taabeer By Mustafa Zaidi

UJAALA

Meri hamdam,mere khawbo’n ki taabeer

muskura de ke mere ghar mein ujaala ho jaae

aankh malte hue uth jaae kiran bistar se

mere bikhre hue geeto’n mein tera jaadu hai

maine meyaar-e-tasavvur se banaaya hai tujhe

meri parveen takhiaul meri nasreen nigaah

maine taqdees ke phoolo’n se sajaaya hai tujhe

doodh ke tarah kanwaari thi zamstaan ki woh raat

jab tere shabnami aariz ne dehakna seekha

neend ke saaye mein phir phool ne angdaai li

naram kaliyo’n ne tere dam se chatkna seekha

mere takh’eel ki jhankaar ko saakat pa kar

choodiaa’n teri kalaai mein khanak uthti thee’n

uff meri tashna labi,tashna labi,tashna labi!

kachchi kali’aan tere hontho’n ki mehak uth’ti thee’n

waqt ke dast-e-giraa’n-baar se mayoos na ho

kis ko maloom hai kya hona hai aur kya ho jaae

meri hamadam,mere kahawbo’n ki sunehri tabeer

muskura de ke mere ghar mein ujaala ho jaae.

Poet: Mustafa Zaidi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *