Urdu Poetry: Meri zindagi hai zaalim, tere gham se aashkaara

Meri zindagi hai zaalim, tere gham se aashkaara
tera gham hai dar-haqeeqat mujhe zindagi se pyaara

wo agar bura na maane to jahaan-e-rang-o-bu mein
main sukoon-e-dil ki khaatir koi dhoondh loon sahara

ye falak-falak hawaayein ye jhuki-jhuki ghataayein
wo nazar bhi kya nazar hai jo samajh na le ishaara

mujhe aa gaya yaqeen sa yahi hai meri manzil
sar-e-raah jab kisi ne mujhe dafa’atan pukaara

main bataau’n farq naasih, jo hai mujh mein aur tujh mein
meri zindagi tala’atum, teri zindagi kinaara

mujhe guftagu se badhkar gham-e-izn-e-guftagu hai
wahi baat poochhte hain jo na keh sakoon dobaara

koi aaye ‘Shakeel’ dekhe, ye junoon nahi’n to kya hai
ke usee ke ho gaye hum jo na ho saka hamaara .

Poet: SHAKEEL BADAYUNI

Sent By: Ahad-e-Wafa From Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *