Urdu Poetry: Mohabbat karne waale kam na honge By Hafeez Hoshiarpuri

Mohabbat karne waale kam na honge
teri mehfil mein lekin hum na honge

zamaane bhar ke gham ya ek tera gham
ye gham hoga to kitne gham na honge

dilo’n ki uljhanein badhti rahengi
agar kuch mashvare baaham na honge

agar tu ittefaaqan mil bhi jaaye
teri furqat ke sadme kam na honge

‘Hafeez’ unn se main jitna badgumaa’n hoon
wo mujh se iss qadar barham na honge.

Poet: Hafeez Hoshiarpuri

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *