Urdu Poetry: mujhe apna sitaara dhondna hai

Sitaaro’n se bhare uss aasman ki vusa’ton mein

mujhe apna sitaara dhondna hai

falaq par kehkasha’n dar kehkasha’n ki bekarani hai

na iss ka naam hai maloom, na koi nishani hai

bas itna yaad hai mujhko
azal ki subha jab sare sitaare
alvidayee guftagu karte hue rasto’n pe nikle thhey
to uski ankh mein ek taara jhilmilaaya tha
usee taare ki soorat ka
meri bheegi-bheegi ankho’n mein bhi ek khawaab rehta hai
main apne aansuo’n mein, apne khwaabo’n ko sajaata hoon
aur uss ki raah takta hoon
suna hai gumshuda cheezein
jahaan par khoee jaati hain
wahee’n se mil bhi jaati hain

mujhe apna sitaara dhoondna hai…

Poet: Amjad Islam Amjad

Sent By: Ahad-e-Awargi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *