Urdu Poetry: Mumkin nahi’n mata-e-sukhan mujh se chheen le By Nasir Kazmi

Mumkin nahi’n mata-e-sukhan mujh se chheen le
go baagbaa’n ye kanj-e-chaman mujh se chheen le

gar ehtaraam-e-rasm-e-wafa hai to ae KHUDA
ye ehtaraam-e-rasm-e-kohan mujh se chheen le

manzar dil-o-nigaah ke jab ho gaye udaas
ye be-faza ilaaqa-o-tan mujh se chheen le

gulrez meri naalakashi se hai shaakh-shaakh
gulchee’n ka bas chale to ye fan mujh se chheen le

seenchi hain dil ke khoon se maine ye kyaariyaa’n
kis ki majaal mera chaman mujh se chheen le.

Poet: Nasir Kazmi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *