Urdu Poetry: Naya ik rishta paida kyun karain hum

Naya ik rishta paida kyun karain hum
bicharna hai to jhagra kyun karain hum

khamoshi se adaa ho rasm-e-doori
koi hungama barpa kyun karain hum

ye kafi hai k hum dushman nahi hain
wafadaari ka daawa kyun karain hum

wafa, ikhlaas, qurbaani, mohabbat
ab inn lafzon ka peecha kyun karain hum

suna dain ismat-e-mariyam ka qissa?
par ab iss baab ko waa kyun karain hum

zulekha-e-azeezaan baat ye hai
bhala ghatay ka sauda kyun karain hum

hamari hi tamanna kyun karo tum
tumhari hi tamanna kyun karain hum

kiya tha ehad jab lamhon meiN hum nay
tou saari umar ii_fa kyun karain hum

utha kar kyun na phenkain saari cheezain
faqat kamron mein tehla kyun karain hum

ba rehna hain sar-e-bazaar tou kia
bhala andhon se pardaah kyun karain hum

chaba lain kyun na khud hi apna dhaanchaa
tumhain raatib mohayyaa kyun karain hum

pari rehnay do insaanon ki laashain
zameeN ka bojh halka kyun karain hum

ye basti hai musalmaanon ki basti
yahan kaar-e-maseeha kyun karain hum

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *