Urdu Poetry: Paao’n choo lene do phoolo’n ko inaayat hogi
Paao’n choo lene do phoolo’n ko inaayat hogi
warna hum ko bhi nahi’n inko bhi shikaayat hogi
aap jo phool bichaaye unhe hum thukraayein
humko darr hai ke ye tauheen-e-mohabbat hogi
dil ki bechain umango pe karam farmaao
itna ruk-ruk ke chaloge to qayaamat hogi
sharm roke hai idhar, shauq udhar kheeche hai
kya khabar thi kabhi iss dil ke ye haalat hogi
sharm gairo’n se hua karti hai apno se nahi’n
sharm humse bhi karoge to museebat hogi.
