Urdu Poetry PATJHAR: Wo din bhi aane waala hai By Munir Niazi

Wo din bhi aane waala hai
jab teri in kaali aankho’n mein
har jazba mit jaayega
tere baal jinhein dekhein to
saavan kii ghanghor ghataayein
aankho’n mein lehraati hain

honth raseele
dhyaan mein laakho’n phoolo’n ki
mehkaar jagaayein
wo din door nahi’n jab inn par
patjhar ki rut chhaa jaayegi

aur uss patjhar ke mausam ki
kisi akeli shaam ki chup mein
gaye dino’n ki yaad aayegi
jaise koi kisi jangal mein
geet suhaane gaata hai.

Poet: Munir Niazi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *