Urdu Poetry: Phîr Wahi Mange Huye Lamhe, Phir Wahi Hath Mein Gulaab

Phîr Wahi Mange Huye Lamhe, Phir Wahi Hath Mein Gulaab.

Phir Wahi Taareek(Ðark) Raton Mein, Khayaal-E-Maahtaab.

Phir Wahi Raton ki Peshaani Pe Rang-E-Laazwal.

Phir Wahi Bhooli Huyi Baaton Ka Dhundhla Sa Khayaal.

Phir Wahi Aankhein Bheegi Bheegi Daaman-E-Shab Mein Udaas.

Phir Wo Ummeedo(hope) ke Madfan(Tomb) Zindagi Ke Aas Paas.

Phir Wahi Farda(Tomorrow/Future) Ki Baatein, Phir Wahi Meethe Saraab(Illusion).

Phir Wahi Bedaar Aakhein, Phir Wahi Bedaar(Sleepless) Khwaab.

Phir Wahi waarfatgi(To Be Lost In Oneself) Tanhayi Afsaano Ka Khel.

Phir Wahi Rukhsaar Wo Aagosh Wo Zúlf-e-Siyaah.

Phir Wahi Shaher-E-Tamanna, Phir Wahi Taareek Raah.

Zindagi ki Bebasi Uff Waqt Ke Taareek(Dark) Jaal.

Phir Wahi Taareek Maazi(Past), Phir Wahi Bekaif(Lifeless) Haal.

Phir Wahi Besoz Lamhein Phir Wahi Hath Mein Gulaab.

Phir Wahi Tareek Raton Mein, Khayaal-E-Maahtaab.

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *