Urdu Poetry: Qadam qadam pe naya marhala tha kya kerti

Qadam qadam pe naya marhala tha kya kerti,
Taweel hota gaya faasla main kya kerti!

Her aik shakhs ko tha zaum-e rehbari kitna,
Bhatak raha tha mera qaafila main kya kerti!?Gham-e Hayaat, Gham-e Ishq aur Gham-e Janaan’
Ulajh gaya tha her ik silsila main kya kerti!

Tumhare saath kise failse ki fursat thee,
Tumhari baad bhala faisla main kya kerti.

Buhat sambhaal k rakha tha Dil main raaz tera,
Wo ban k ashk jo girne laga main kya kerti.

Mujhi se maangne aaya wo le k majboori,
Ab us se us ki jaffa ka Gilla main kya kerti.

Wo aansuon ki zabaan’ jaanta na tha meri,
Mujhe bayaan’ ka na tha hosla main kya kerti.

Poet: Parveen Shakir

Sent By: Junaid Shabir from Orkut Community Meer Taqi Meer

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *