Urdu Poetry: Rahi nagufta mere dil main dastaan meri
Rahi nagufta mere dil main dastaan meri,
Na is dayaar mein samjha koi zabaan meri
Barang-e-saut-e-jaras tujh se door hon tanha,
Khabar nahin hai tujhe aah karwaan meri.
Usee se door raha asl-e mudda jo tha,
Gayi ye umr-e aziz aah raayegaan meri.
Tere firaaq main jese khayaal muflis ka,
Gayi hai fikr-e pareshan kahan kahan meri.
Diya dikhaayi mujhe to usee ka jalwa “Mir”
Pari jahan mein ja kar nazar jahaan meri.
Poet: Meer Taqi Meer
Sent By: Junaid Shabir From Orkut Community Meer Taqi Meer
