Urdu Poetry: Rett par likh ke mera naam mitaaya na karo

Rett par likh ke mera naam mitaaya na karo
aankhen sach bolti hain pyaar chupaaya na karo

log har baat ka afsaana bana lete hain
sab ko haalaat ki rudaad sunaaya na karo

ye zaroori nahi’n har shakhs maseeha hi ho
pyaar ke zakhm amaanat hain dikhaaya na karo

shehar-e-ehsaas mein pathraav bahot hain ‘Mohsin’
dil ko sheeshe ke jharonkho’n mein sajaaya na karo.

Poet: Mohsin Naqvi

Sent By: Imran

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *