Urdu Poetry: Safar tanha nahin kerte

Suno!!!

Safar tanha nahin kerte,
Suno aisa nahin kerte.

Jisay shafaaf rakhna ho,
Usay mella nahin kerte.

Teri aankhain ijaazat dain,
To hum kya kya nahin kerte?

Buht ujray hue ghar per,
Buht socha nahin kerte.

SAFAR jis ka MUQADAR ho,
Usay roka nahin kerte.

Jo mil ker khud se kho jaaye,
Usay ruswaa nahin kerte.

Chalo tum raaz ho apna,
Tumhain afshaan’ nahin kerte.

Ye oonche pair kese hain,
Kahin saaya nahin kerte.

Jo dhhun ho ker guzarne ki,
To phir socha nahin kerte.

Kabhi hansne se darte hain,
Kabhi roya nahin karte.

Teri aankhon ko parhite hain,
Tujhe dekha nahin kerte.

Sehar se pooch lo Mohsin’
K hum soya nahin kerte.

Poet: Mohsin Naqvi

Sent By: Junaid Shabir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

One comment

  1. Mariam Iqbal From Gujrat

    Main Es Bary Main Kuch Nahi Kah Sakti But Aagar Backgrond Main Koi Achi Si Pic Laga Di Jay Tu Yy Poetry Disktop Py Bi Lagai Ja Sakti Hay.I Hope You Don,t Mind.

Leave a Reply

Your email address will not be published. Required fields are marked *