Urdu Poetry: Shaam-e-gham kuch uss nigaah-e-naaz ki baatein karo By Firaq Gorakhpori

Shaam-e-gham kuch uss nigaah-e-naaz ki baatein karo
bekhudi badhti chali hai raaz ki baatein karo

nakhat-e-zulf-e-pareeshaa’n, daastaan-e-shaam-e-gham
subah hone tak isee andaaz ki baatein karo

ye sukoot-e-yaas ye dil ki rago’n ka tootna
khaamoshi mein kuch shikast-e-saaz ki baatein karo

har rag-e-dil vazd mein aati rahe dukhti rahe
yoon hi uss ke ja-o-beja naaz ki baatein karo

kuch qafas ki teeliyo’n se chhan raha hai noor sa
kuchh faza kuch hasarat-e-parvaaz ki baatein karo

jis ki furqat ne palat di ishq ki kaaya “Firaq”
aaj usee isaa-nafas dam-saaz ki baatein karo.

Poet: Firaq Gorakhpori

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *