Urdu Poetry: Shareer jhoonke hawa k amaan main na rahe By Jaami

Shareer jhoonke hawa k amaan main na rahe,
Pakke jo phal to shajar ki kamaan main na rahe.

Uchhal k choom rahe the hawaa k haathon ko,
Naddi main doob gaye jo chataan main na rahe.

Parra ha sakht masaail ka saamna sab ko,
K meethe lehje kisi ki zabaan main na rahe.

Najaane kon se aaseb ne daraaya tha!
Ajab parinde the, khaali makaan main na rahe.

Humare kurb ka sehra sametne waale,
Ajeeb log the jo darmiyaan main na rahe.

Dhundhalke shehar k bethe hain ghaat main Jaami’
Koi bhi shakhs yahaan aan baan main na rahe

Poet: Jaami

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *