Urdu Poetry: Sitam hawa ka agar tere tan ko raas nahi’n

Sitam hawa ka agar tere tan ko raas nahi’n
kahaan se laau’n wo jhonka jo mere paas nahi’n

pighal chuka hoon tamaazat mein aaftaab ki main
mera wajood bhi ab mere aas-paas nahi’n

mere naseeb mein kab thi barhanagi apani
mili wo mujh ko tamanna ki be-libaas nahi’n

kidhar se utre kahaan aa ke tujh se mil jaaye
abhi nadi ke chalan se tu ru-shanaas nahi’n

khula pada hai samandar kitaab ki soorat
wahi padhe ise aakar jo nashanaas nahi’n

lahu ke saath gayee tan-badan ki sab chehkaar
chubhan saba mein nahi’n hai kali mein baas nahi’n.

Poet: WAZEER AGHA

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *