Urdu Poetry: Tere milne ko bekal ho gaye hain

Tere milne ko bekal ho gaye hain
magar ye log paagal ho gaye hain

bahaarein leke aaye thhey jahaa’n tum
wo ghar sunsaan jangal ho gaye hain

yahaa’n tak badh gaye aalaam-e-hasti
ki dil ke hausle shal ho gaye hain

kahaa’n tak taab laayein naatavaa’n dil
ki sadme ab musalsal ho gaye hain

nigaah-e-yaas ko neend aa rahi hai
musarda pur-ashq bojhal ho gaye hain

unhein sadiyo’n na bhoolega zamaana
yahaa’n jo haadse kal ho gaye hain

jinhein hum dekh kar jeete thhey ‘Nasir’
wo log aankho’n se ojhal ho gaye hain.

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *