Urdu Poetry: Us simat chalay ho to bas itna use kehna

Us simat chalay ho to bas itna use kehna,
Ab koi nahi hurf-e-tamanna use kehna!.

Us ne hi kaha tha to yaqeen main ne kiya tha,
Umeed pe qaaim hai yeh duniya use kehna!.

Duniya to kisi haal main jeene nahi deti,
Chahat nahi hoti kabhi ruswa use kehna!.

Zarkhez zameenain kabhi banjar nahi hotien,
Darya hi badal lete hain rasta use kehna!.

Wo meri rasaayi main nahi hai to ajab kya,
Hasrat bhi to hai ishq ka lehja use kehna.

Us simat chalay ho to bas itna use kehna!!!

Kuch log safar ke liye mozoo nahi hote,
Kuch raaste kat-te nahi tanha ……Use Kehna.!!

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *