Urdu Poetry: Wafaa Ke Sheesh Mahal Mein Sajaa Liyaa Main’ne By Qateel Shifaii

Wafaa Ke Sheesh Mahal Mein Sajaa Liyaa Main’ne.,
Wo Ek Dil Jise Patthar Bana Liyaa Main’ne.

Ye Soch Kar Ki Na ho Taak MeIn Khushi koi
GHamon ki OT meIn Khud Ko Chhupaa Liyaa main’ne.

Kabhi na Khatm kiyaa main’ne roshani ka Muhaaz.
Agar ChiraaGH bujha, Dil Jalaa liyaa main’ne.

[muhaaz=procession]

kamaal ye hai ki jo dushman pe chalana tha.
Wo Teer Apne Kaleje pe khaa liyaa main’Ne

‘Qateel’ jiski adaavat meIn ek pyaar bhi tha
us Shakhs ko gale se laga liya main’Ne

Poet: Qateel Shifaii

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *