Urdu Poetry: Wo Firaaq Aur Wo Visaal Kahan By Mirza Ghalib

Wo Firaaq Aur Wo Visaal Kahan.
Wo Shab-O-Roz-O-Maah-O-Saal Kahan.

Fursat-E-Karobaar-E-Shauq Kise.
Zauq-E Nazaara-E Jamaal Kahan.

Dil To Dil Wo Dimagh Bhi Na Raha.
Shor-E-Sauda E Khat O Khal Kahan.

Thi Wo Ik Shakhs Ke Tasawwoor Se.
Ab Wo Ranayi-E-Khayal Kahan.

[ranayi e khayal => tender thoughts]

Aisa Asaan Nahin Lahoo Rona.
Dil Mein Taaqat Jigar Mein Haal Kahan.

Humse Chuta Qimaar-Khana E-Ishq.
WaaN Jo Jayein Girah Mein Maal Kahan.

[qimaar-khana = casino]

Fiqr-E-Duniya Mein Sar Khapata Hoon.
Main Kahan Aur Ye Wabaal Kahan.

Muzmahil Ho Gaye Quwaa “Ghalib”.
Wo Anaseer Mein Aitedaal Kahan.

[muzmahil = lethargic, quwaa =powers, anaseer= elements, aitedaal = moderation]

Poet: Mirza Ghalib

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *