Urdu Poetry: Ye ishq ne dekha hai ye aql se pinhaa’n hai

Ye ishq ne dekha hai ye aql se pinhaa’n hai
qatare mein samandar hai zarre mein bayaabaa’n hai

ae paikar-e-mehboobi main kis se tujhe dekhu’n
jis ne tujhe dekha hai wo deeda-e-hairaa’n hai

sau baar tera daaman haatho’n mein mere aaya
jab aankh khuli dekha apana hi girebaa’n hai

ye husn ki maujein hain ya josh-e-tamanna hai
uss shokh ke hontho’n par ek barq si larazaa’n hai

‘Asghar’ se mile lekin ‘Asghar’ ko nahi’n dekha
ashaar mein sunte hain kuch-kuch wo numaaya’n hai

Poet: Asghar

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *