Urdu Poetry: Ye mojza bhi Muhabbat kabhi dikhaaye mujhe By Qateel Shafai

Ye mojza bhi Muhabbat kabhi dikhaaye mujhe,
K sang tujh pe gire aur zakhm aaye mujhe.

Wo mehrbaan’ hai to iqraar kyun nahin karta,
Wo badgumaan’ hai to so baar aazamaye mujhe.

Main apne paaon talle rondtaa hon saaye ko,
Badan mera hi sahee dopehar na bhaaye mujhe.

Main ghar se teri tamannaa pehan k jab nikloon,
Barahana shahar main koi nazar na aaye mujhe.

Wo mera dost hai saare jahaan’ ko hai maaloom,
Dagaa kare wo kisi se to sharam aaye mujhe.

Main apni zaat main neelaam ho raha hon ‘Qateel’,
Gham-e hayaat se keh do khareed laaye mujhe.

Poet: Qateel Shafai

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *