Urdu Poetry: Ye raat ye tanhaai ye dil ke dhadakane ki aawaaz

Ye raat ye tanhaai
ye dil ke dhadakane ki aawaaz
ye sannaata

ye doobte taaro’n ki
khaamosh ghazalkhwaani
ye waqt ki palko’n par
soti huee veeraani
jazbaat-e-mohabbat ki
ye aakhri angdaai
bajti huee har jaanib
ye maut ki shehnaai

sab tum ko bulaate hain
pal bhar ko tum aa jaao
band hoti meri aankho’n mein
mohabbat ka
ek Khwaab saja jaao.

Poet: MEENA KUMARI NAAZ

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *