Urdu Poetry: Zeest aazaar huee jaati hai By Ahmed Nadeem Qasmi

Zeest aazaar huee jaati hai
saans talwaar huee jaati hai

jism bekaar hua jaata hai
rooh bedaar huee jaati hai

kaan se dil mein utarti nahi’n baat
aur guftaar huee jaati hai

dhal ke nikli hai haqeeqat jab se
kuch pur-asraar huee jaati hai

ab to har zakhm ki munhband kali
lab-e-izhaar huee jaati hai

phool hi phool hain har simt ‘Nadeem’
raah dushvaar huee jaati hai.

Poet: Ahmed Nadeem Qasmi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *